26 av 39 hurtigtestar utført onsdag, var positive. Totalt vart det testa 87 personar onsdag, der dei resterande var PCR-testar. Desse er torsdag morgon på veg til Molde, og testsvar er venta i løpet av kvelden.
Kommuneoverlege i Vanylven, Cecilie Oppedal, ber folk om å vere obs på luftvegssymptom. Ho oppfordrar folk til å teste seg.
Ho legg til at dei også har ledig kapasitet til vaksinering torsdag. Her må ein vere obs på at det må ha gått minimum tre veker mellom første og andre dose.
– Vi har ledig vaksinekapasitet klokka 12. Ta kontakt, seier ho til Synste Møre torsdag morgon.