– Prøvene frå fredag vert analysert og svar kjem i løpet av dagen. Viss dei er negative, har vi rimeleg grei kontroll, seier kommuneoverlege Cecilie Lillejord Oppedal.
Førre veke var det som kjend heile fem koronatilfelle i Vanylven, og alle fem hadde ein familierelasjon.
Sjølv om det skulle vise seg at også prøvene frå fredag er negative, vil kommuneoverlegen likevel oppfordre folk til å vere på vakt.
– Det er viktig at vi let oss teste og held ut til vaksinen kjem, seier Oppedal.