Tre nye smittetilfelle stadfesta fredag kveld

Kommuneoverlege Cecilie Oppedal melder om tre nye smittetilfelle fredag kveld.

Alle tre er nærkontaktar av dei to tilfella frå tidlegare i veka.

– Desse er no sett i isolasjon. Ingen er elevar ved skulen. Det vert arbeidd med smittesporing, og alle nærkontaktar vert kontakta i løpet av kvelden, skriv kommuneoverlegen i ei pressemelding.

Det gjeld nærkontaktar både i Vanylven og i andre kommunar, og dei andre kommunane er allereie varsla. I tillegg bidreg FHI.

Testing laurdag

Med bakgrunn i smitteutbrotet, vert det opna for testing i morgon laurdag 19. desember.

– Vi oppfordrar til å melde seg for testing ved luftvegssymptom, skriv kommuneoverlegen.

Prøvene vert frakta frå Vanylven laurdag klokka 12.00.

Kommentarer

Abonnér
Varsle om
guest
0 Kommentarer
Inline Feedbacks
Vis alle kommentarer