Norled melde søndag kveld på sine sider at grunna tekniske problem var A-ruta midlertidig innstilt. Bilferja MF «Kvam» stod fast i køyrebrua på Åram, og dei rundt 20 bilane ombord kom seg ikkje på land.
Servicepersonell vart tilkalla for utbetring av feilen, og Norled melde i 18.30 tida at det var uvisst kor lenge dette ville ta, men ikkje før tidlegast 21.00, skreiv dei.
– Bilane kan ikkje køyre på land på grunn av køyrebrua sin posisjon. Passasjerar har fått høve til å gå på land, men det er cirka 20 passasjerar igjen på ferja, opplyser Katrine Meldahl, ferjesjef i Norled i ein sms til Sunnmørsposten
Passasjerbåten MS Liv vart sett inn i rute kl. 19.50 frå Larsnes inntil feilen vart utbetra.
– NB! Liv er kun ein passasjerbåt, og tek ikkje bilar, skriv Norled.
Tidlegare på dagen var også B-ruta i sambandet innstilt grunna tekniske problem.
Klokka 22.11 søndag var feilen utbetra og bilar og reisende kom seg på land.
– B-ruta blir fortsatt innstilt måndag morgen og inntil videre, grunnet tekniske problemer, opplyser Norled.