Syvde barnehage er så heldige at dei bl.a. har ein sauefjøs i nabolaget, nemleg garden til Atle Arnesen og Dagrun Molvik.
May Kristin Ekremsæter har sendt oss flotte bilete av borna på fjøsbesøk.
Besøket vart fordelt på to dagar, så alle fekk klappe lam, og ikkje minst prøvesitte traktoren.
Ho skriv at dette var stor stas og veldig kjekt for alle saman. Atle og Dagrun møtte dei med ferdigfora sauer (for at dei ikkje skulle breke så høgt) og pose med brød, som borna fekk gi til sauene. Atle tok fram eitt, av totalt 106 lam, som dei som ville halde og klappe fekk prøve. Nok ein kjekk tur som mange vil hugse!