Nattarbeid ved denne ferjekaia komande veke

– I forbindelse med oppgradering av Åram ferjekai planlegg entreprenør med nattarbeid natt til torsdag og natt til fredag neste veke, skriv byggjeleiar Andreas Tennøy Brekke i ein e-post til Synste Møre.

Arbeidet som består av mudring og utdjuping av ferjebåsen, fører til at bestillingsturen til og frå Åram vert kansellert natt til torsdag 11. april og natt til fredag 12. april.

– Det skal ikkje vere spesielt støyande arbeid, men om nokon vert negativt påverka bes dei ta kontakt med underteikna så vi i samråd kan finne ei løysing, opplyser Brekke.