koronaball

Tre smittetilfelle stadfesta onsdag kveld

Kommuneoverlege Cecilie Oppedal melder onsdag kveld om tre smittetilfelle i Vanylven.

– Smittekjelda er kjend, og alle er sett i isolasjon. Det er ingen mistanke om ytterlegare spreiing knytt til desse tilfella, skriv Oppedal.

Med bakgrunn i smittesituasjonen rundt Vanylven, mellom anna med eit pågåande større utbrot i Herøy kommune, ber kommuneoverlegen om at alle er obs og har låg terskel for testing.

– Med bakgrunn i testsikkerheita til ein hurtigtest er det viktig at ein passar på å gjenta ein slik test dersom ein har mistanke om smitte, då vi ser at det er ein del slike testar som vert falske negative, skriv Oppedal.

Frå og med i dag er det også ei generell nasjonal tilråding om bruk av munnbind ved kontakt med helse- og omsorgstenesta, på kjøpesenter og ved bruk av kollektiv transport.

– Det er høg infeksjonsbyrde i befolkninga generelt, og dette kan vere eit godt smitteførebyggande tiltak også for andre luftvegsinfeksjonar, skriv ho.

Kommentarer

Abonnér
Varsle om
guest
0 Kommentarer
Inline Feedbacks
Vis alle kommentarer