koronaball

Melding om positiv test i kveld. Ber desse teste seg

Etter smittetilfellet måndag, var det 35 stykke som testa seg. Desse kom tilbake negative, men no har kommunen fått eit nytt tilfelle som er tilknytt utbrotet i Volda/Ørsta.

– Vi har i kveld fått eit positivt tilfelle som har tilknytning til utbrotet i Volda/Ørsta. Vedkomande er sett i isolasjon, og alle kjende nærkontakter er kontakta. Nokre av tenestene til Vanylven kommune vert direkte berørt, og aktuelle har fått/vil få informasjon per telefon i løpet av kvelden, skriv kommuneoverlege Cecilie Oppedal torsdag kveld.

Vidare oppmodar ho alle som har vore på treningsenter på Fiskå måndag og tysdag kveld, og dei som har på Spar Fiskå tysdag i tidsrommet 18.30 – 19.30, om å bestille test i morgon tidleg.

Oppedal oppmodar alle om å vere forsiktige framover, og at ein har låg terskel for testing, også ved milde symptom.

Utbrot i Ørsta og Volda

Tysdag kom dei første meldingane om smittetilfelle i Volda og Ørsta, og stadig kjem det nye meldingar om tilfelle.

– Sidan har smittetala auka kraftig. På tre dagar er totalt over 80 personar bekrefta smitta i dei to kommunane, ifølge oppdaterte smittetal torsdag kveld, står det på Sunnmørsposten i kveld.

Kommentarer

Abonnér
Varsle om
guest
0 Kommentarer
Inline Feedbacks
Vis alle kommentarer