Personen er husstandsmedlem til ein tidlegare smitta og har vore i karantene sidan tysdag kveld.
– Den smitta er elev i klasse 7B ved Nordfjordeid skule og kan ha vore smittsam i klassemiljøet måndag og tysdag. Elevar og lærarar i klasse 7B er sett i karantene og vert testa fredag morgon. Husstandsmedlemmar er sett i ventekarantene. Elevar i parallellklassen, 7A, er sett i ventekarantene fram til ein har fått prøvesvar frå testing av elevar og lærarar i 7B og eit klarare bilde av smitterisikoen. Husstandsmedlemmar til elevane i 7A treng ikkje vere i ventekarantene, skriv kommunen i ei pressemelding
Prøvesvar frå PCR-testing onsdag har også stadfesta dei to smittetilfella som allereie var påvist ved hurtigtestar. Det er elles ingen positive prøvesvar frå testing onsdag.