Frå før var det som kjend ingen positive prøvesvar frå testing utført laurdag.
Kommuneoverlegen melde då at viss prøvesvara frå fredag skulle vise seg å vere negative, så hadde dei fått kontroll på utbrotet.
Oppedal melder vidare at testaktiviteten er høg.
– I tillegg til dei i isolasjon, har vi per no 36 personar i karantene i kommunen. 47 nye testa seg i dag. Det er bra at vi held testaktiviteten oppe. Det er den einaste måten å kunne avsløre eventuelle nye smittetilfelle, skriv kommuneoverlegen.
Ho ber vidare folk om å tenkje seg om i jula.
– Grunna mange tilreisande, må vi vere ekstra merksame no inn mot jul- og nyttårshelga, skriv ho.