Såleis er talet på betalande medlemar auka frå 157 i 2022 til 258 i fjor, der 63 av desse var under atten år. Årsmeldinga fortel elles at ein har fått mange aktivitetar i hallen og ein ganske full timeplan med aktivitetar både for små og store.
Av dei faste aktivitetane har vore barnetrim, med to grupper, småbarntrim for tre-fem år og bar-netrim 1.-4. klasse. «Det var ikkje nok barn påmeldt i aldersgruppa 5. klasse og oppover så her har det ikkje vore tilbod dette året. Vi har vore heldig å hatt flinke føresette som ansvarlege på barnetrimmen. I tillegg har det vore kjekt at eldre elevar i aldersgruppa 12-13 år har vore inne og hatt aktivitetar for 1.-4.klasse gruppa i barnetrimmen», skriv dei ansvarlege i årsmeldinga.
Trimaktivitetar
Andre aktivitetar i hallen har vore Aerobic og Tabata kvar onsdag, og AMRAP kvar måndag. Her har det vore varierande oppmøte med mellom 8-25 medlemmar. «Gymsalkameratane» har disponert hallen tre dagar i veka. Det har elles vorte starta opp med volleyball på fredagar, ein har tilbod om familielaurdagar, der familiar berre kan møte opp, kome saman og drive aktivitetar og ein har tilbod om badminton på søndagar. Vidare har ein to dagar for veka med seniortrim dame, som stort sett brukar trimromet på omsorgssenteret, og seniortrim herre, som skiftar mellom å vere i hallen og på trimromet på omsorgssenteret.
Fjelltrim, StikkUT og ski
«Fjelltrimmen har i år også vorte aktivt brukt og mykje ekstra aktivitet her også knytt til StikkUT. Dette året hadde vi 57 registrerte på Georeg, mot 55 registrerte førre år» fortel dei ansvarlege her. Elles fekk ein over ein liten periode i januar og fram til byrjinga av februar køyrt opp skiløyper frå Fiskå og fram til Storeide som vart mykje nytta.
Trimrom
Laget driftar elles trimrom/styrekrom i hallen i tillegg til lokala på omsorgssenteret. Her har medlemar tilgang frå 05.00-00.00 via appen JustInMobile.
Styret:
Leiar: Njål Sivertstøl
Nestleiar: Katrin Brekke Sunde
Kasserar: Randi Irene Helgøy
Sekretær: Andrine Worren Kvamme
Styremedlem: Jonathan Vaksdal, John Magne Vikebakk, Ole Andre Rusten, Henning Olai Sætre
Valnemnd: Camilla Lillehamre og Maria Vaksdal Stranden
Revisor: Sonja Skoge Sivertstøl