REISER TIL UKRAINA: Fleire nordmenn reiser til Ukraina for å bidra, deriblant desse. Frå venstre: Simon Johnsen, André Bjørnøy og André Hellebust. I tillegg er Christoffer Bjørnøy med denne gruppa, men han kunne ikkje vere med på bildet. FOTO: Privat
REISER TIL UKRAINA: Fleire nordmenn reiser til Ukraina for å bidra, deriblant desse. Frå venstre: Simon Johnsen, André Bjørnøy og André Hellebust. I tillegg er Christoffer Bjørnøy med denne gruppa, men han kunne ikkje vere med på bildet. FOTO: Privat

Reiser til Ukraina for å hjelpe

André Hellebust frå Almklovdalen skal i lag med tre andre reise til Ukraina for å hjelpe sjuke og skadde.

Hellebust går for tida påbygg på ein vidaregåande skule i Ålesund, etter å ha gått ambulansefag i fjor. No går dei fire ut i ein felles Spleis for å samle inn midlar til medisinsk utstyr.

– Pengane vi får går direkte til innkjøp av medisinsk utstyr som brukast til å hjelpe flyktningar frå, eller pasientar i Ukraina, og eventuelle transportkostnadar, skriv dei.

Vidare skriv dei at det i Ukraina er stor mangel på utstyr for å dekke helsehjelp.

– Vi er ei gruppe på fire personar som skal tilslutte oss andre frivillige ved grensa til og i Ukraina. Der skal vi ivareta flyktningar og pasientar som har behov for naudhjelp. Utstyr er dyrt, og kvart einaste bidrag betyr noko. Ditt bidrag kan vere skilnaden som gir oss eit ekstra hjelpemiddel og som reddar liv, skriv dei.

Til Synste Møre fortel Hellebust at dei har dialog med helsepersonell både i Polen og Ukraina.

– Delar av laget vi blir ein del av, reiser også inn i Ukraina for å utføre arbeid. Vi er også i dialog med folk som kan hjelpe oss å skaffe medisin. Listene over det vi etterspør kjem direkte frå sjukehus og andre hjelparar. Det er også slik at vi bidrar der vi kan yte best hjelp. Mange gjer ein stor innsats, også for å skaffe mat og medisin. Det som er nytt no, er at vi har avklart at vi blir å reise inn i Ukraina også, mellom anna for å hente ut pasientar frå sjukehus. Vi greier ikkje å la vere å hjelpe. Vi må bidra for å hjelpe flest mogleg, seier Hellebust.

Kommentarer

Abonnér
Varsle om
guest
0 Kommentarer
Inline Feedbacks
Vis alle kommentarer