Onsdag klokka 18.15 rykte Vanylven brann og redning ut til ein brann i eit hus på Fiskå.
Alle bebuarar skal vere ute av bustaden, får Synste Møre opplyst på staden. Det er kraftig røykutvikling. Vanylven brann og redning er i gang med å sløkkje brannen. Litt seinare vart det meld at bustaden var overtent.
– Det vert jobba for at brannen ikkje skal spreie seg, men det er ikkje nødvendig å evakuere andre bustadar per no, skriv Politiet på Twitter klokka 18.50.
Under kontroll
110-sentralen i Møre og Romsdal opplyser til Synste Møre at brannen like etter klokka 19.00 onsdag kveld var under kontroll.
– Klokka 19.10 melde Vanylven brann og redning at brannen er under kontroll. Utifrå dei bilda vi har sett, ser bustaden ut til å vere totalskadd. Utover kvelden vert det ettersløkking, sa operasjonssentralen kl. 19.40 til Synste Møre.
Like etter klokka 20.00 onsdag kveld melder Politiet på Twitter at brannen er sløkt.
– Årsak til brannen er per no ukjend. Det vert opppretta sak og hendinga vert etterforska, skriv Politiet.
oioioi det var kjempe trist. Håper de som budde der for et nytt hus(: