Kommuneoverlege Cecilie Oppedal opplyser at karantenesetjing er utført etter gjeldande retningsliner. Det betyr at kun husstandsmedlemmar og tilsvarande nære, skal i karantene.
– Alle elevar på mellomtrinnet og ungdomstrinnet er bedt om å teste seg med hurtigtest. Elevane på småtrinnet bør teste seg ved symptom, skriv Oppedal.
Vidare oppfordrer ho til testing 2-3 gonger komande veke.
– Vi må forvente at ein avdekker fleire smittetilfelle i dagane framover. Skulen vil ha testar tilgjengelege for utdeling frå fredag, skriv ho.
Frå komande måndag var det planlagt grønt nivå på alle skular og barnehagar i Vanylven. På grunn av smitteutbrotet vil Åheim skule og barnehage halde fram på gult nivå.
Kommuneoverlegen ber om at ein ved ein eventuell positiv hurtigtest, registrerer svaret på følgande lenkje.
To tilfelle
I tillegg kan ho opplyse om at det er meldt om to andre smittetilfelle i kommunen. Desse var allereie i karantene, og det er ingen fare for spreiing.