Tidlegare varsla Meteorologisk institutt om uvêr onsdag og torsdag. No har dei oppgradert det til ekstremvêr, med namnet Gyda.
Det vert meldt om ekstreme mengder regn sør i Trøndelag og i Møre og Romsdal.
– Vedvarande regn gjer at vi forventar at fleire stasjonar kan få rekord for døgnnedbør for januar. Det er også mildt for årstida, slik at all nedbøren som fell er venta som regn også høgt til fjells, skriv Meteorologisk institutt.
Samtidig kjem varsom.no med varsel om betydeleg snøskredfare.