Litt før klokka 12.00 måndag kunne 110-sentralen i Møre og Romsdal opplyse til Synste Møre at objektet var eit juletre.
Brannsjef John Sindre Kragset fortel at det gjekk i underkant av 15 minutt frå meldinga kom, til juletreet var i båten.
– Det viser at beredskapen på sjøen er veldig bra i Vanylven, seier Kragset.
Han legg til at det er bra at folk melder frå om objekt i sjøen.
– Det såg faktisk ut som ein kantra båt på avstand, så vi skjønner godt at det blir ringt inn på slik, seier han.