Illustrasjon
Illustrasjon

Fylkesveg 61 var stengt – person frakta til sjukehus etter velt med motorsykkel

Like etter klokka 11.00 fredag føremiddag rykte Vanylven brann og redning ut frå stasjonen på Fiskå til ein motorsykkel som hadde velta i vegbana ved Juvatnet. Føraren er frakta til sjukehus for undersøking.

– Ein motorsykkel har velta ved Juvatnet. Vi er ikkje framme på staden endå, opplyste 110-sentralen i Møre og Romsdal til Synste Møre like etter klokka 11.00.

Klokka 11.12 melde også Politiet i Møre og Romsdal om hendinga.

– Føraren er oppegåande, men ukjent skadeomfang, melde Politiet på Twitter.

Litt før klokka 12.00 fredag melde Politiet at føraren er frakta til sjukehus for undersøking og oppfølging.

– Det var ingen andre køyretøy eller personar involvert i ulukka. Trafikken vert dirigert forbi staden, skriv Politiet på Twitter.

Like etter klokka 12. 10 fredag melde Vegtrafikksentralen Midt at vegen var open igjen for trafikk.

Kommentarer

Abonnér
Varsle om
guest
0 Kommentarer
Inline Feedbacks
Vis alle kommentarer