Tiltaka tek til å gjelde frå midnatt natt til torsdag og gjeld til 12. april. Dei erstattar ikkje eventuelle lokale tiltak.
To meter
To meters avstand vert innført i staden for éin meter, og ein rår til å få besøk av maks to gjestar.
– Dei som du til no har halde minst éin meters avstand til, må du frå no av halde minst to meters avstand til, sa Høie (H) under ein pressekonferanse tysdag kveld.
– Vi rår no til maks to gjestar på besøk. Viss du kjem frå eit område med høgt smittenivå, bør du verken reise på overnattingsbesøk eller ha overnattingsbesøk, sa Høie.
I tillegg vert det nasjonal skjenkestogg. Det vil seie at ingen kan skjenke alkohol.
Idretten
Regjeringa innfører også forbod mot all innandørs idretts- og fritidsaktivitet for vaksne i heile landet.
Til liks med tidlegare får toppidrettsutøvarar unntak frå forbodet om organisert idretts- og fritidsaktivitet.
Dei nye tiltaka kan ein sjå i sin heilskap ved å trykkje her (ekstern lenkje).