– Prøver frå søndag er no kome attende negative. Når det gjeld prøver frå måndag er omlag 2/3 kome svar på i kveld – dei også negative. Med bakgrunn i inkubasjonstid vert det bedt om at alle dei som får negative prøver framleis er ekstra obs på symptom dei komande dagane, og tek ny test ved nyoppstått hovudpine, nedsett smak- og luktesans, sår hals, tett nase, hoste eller feber. Dei som er sette i karantene av smittesporingsteamet må framleis vere i karantene ti dagar frå eksponeringstidspunkt, og teste seg sju døgn etter eksponering, skriv Oppedal tysdag kveld.
Status tysdag kveld: Ingen nye smittetilfelle
Tysdag kveld melder kommuneoverlege Cecilie Oppedal at alle prøver tekne søndag har kome attende negative.