Som følgje av ein uoversiktleg smittesituasjon i helga, vart folk oppfordra til testing ved luftvegssymptom. I tillegg valde kommuneoverlegen, i samråd med kriseleiinga, å stengje Vanylven helse- og omsorgssenter for besøkjande.
Kommunen lettar no litt på restriksjonane.
– Viser til at ein i helga såg det nødvendig å stengje omsorgssenteret søndag for besøkjande grunna ein svært uoversiktleg situasjon med mutantvirus. Oversikta er no noko betre enn den var laurdag kveld, men kontrollen er endå ikkje gjenoppretta. Vi oppfordrar derfor til at kun dei nærmaste pårørande vitjar sine i denne perioden. For å kunne ha god kontroll på besøk som vert gjennomført, vil vi i denne perioden gå attende til besøkskontroll. Vi ber derfor om at de tek kontakt med omsorgssenteret før besøket, skriv kommuneoverlege Cecilie Oppedal i ei oppdatering måndag kveld.