Torsdag vart 65 personar testa.
– Dette var i hovudsak personar som vart testa på grunn av symptom, og nokre få nærkontaktar til dei som fekk påvist smitte onsdag, skriv kommunen i ei pressemelding.
Fredag har Stad kommune tatt prøve av heile 288 personar.
– Dette er i hovudsak andre test for born/elevar/tilsette i barnehageavdelinga og skuleklassane som vart sett i karantene tidleg i veka, og andre test av personar som elles har vore i karantene i sju dagar eller meir. Det er også teke første test av elevar og tilsette i klassa ved Eid ungdomsskule som vart sett i karantene i går, og prøve av personar som vert testa på grunn av symptom på sjukdom. Svar på prøvene kjem i løpet av helga, står det i pressemeldinga.