Søndag kom som kjend regjeringa med nye nasjonale føringar for å avgrense spreiing av Covid-19.
Tysdag kveld melder kommuneoverlege Cecilie Oppedal at dei no oppmodar til å ikkje besøke omsorgssenteret på Fiskå.
– Med bakgrunn i dei nye nasjonale føringane oppmodar vi til at pårørande ikkje kjem på besøk ved omsorgssenteret. Denne oppmodinga gjeld fram til det kjem nye føringar frå nasjonale helsemyndigheter. Det er varsla at det vil verte teke ei ny vurdering omkring veke 3. Ved alvorleg sjukdom hos bebuar, gjeld ei anna tilråding, som vert avklara gjennom direkte kontakt med pårørande. Vi ber om forståing for dette, skriv kommuneoverlegen.